Почна Самитот „Заедно за Европа” кој се одржува во Варшава, а на кој учествуваат шефовите на држави или влади на земјите кои во ЕУ беа примени после 2004 година.
Повод за Самитот, инициран од полскиот премиер Матеуш Моравецки, е 15-тата годишнина од почетокот на големото проширување на Европската унија, јави БГНЕС.
Шефовите на држави или влади на Полска, Естонија, Кипар, Летонија, Литванија, Малта, Словачка, Словенија, Унгарија, Чешка, Бугарија, Романија и Хрватска разговараат за состојбата на ЕУ, безбедноста и предизвиците со кои се соочува Унијата.
Во фокусот на дискусиите е можноста за уште поинтензивна соработка меѓу земјите, со цел развој на Европската унија.
По средбата планирана е заедничко соопштение на лидерите од ЕУ.
