БАЈДЕН НА ТУРНЕЈА НИЗ АЗИЈА: Заменик претседателот на Самсунг ќе пропушти судско рочиште зашто ќе биде домаќин на турнејата

Американскиот претседател Џо Бајден денеска пристигна во Јужна Кореја, неговата прва станица на првото патување во Азија откако е на функција.

Бајден слета во американската воздухопловна база во Осан, јужно од Сеул. Тој требаше да се сретне со претседателот Јун Сук-јол, кој е релативно нов во политиката, за првпат во живо. Предвидено е двајцата да ја посетат фабриката Самсунг Електроникс.

Заменик претседателот на Самсунг Електроникс, Џеј И. Ли денеска нема да се појави на рочиште за судење за сметководствена измама, бидејќи се очекува тој да биде домаќин на обиколката на Бајден, тврди судски извор.

Меѓудругото, Бајден и Јун ќе се соочат и со проблемот со Северна Кореја. Лидерот Ким Џонг Ун се откажа од запирање со тестирање интерконтинентални балистички ракети. Се чини дека тој е подготвен да продолжи со тестирање нуклеарни бомби, можеби и додека Бајден е во регионот, наведуваат медиуми.

Претседателот на САД ќе ја посети и Јапонија, каде ќе има средба со јапонскиот премиер Фумио Кишида. Во Токио, Бајден ќе присуствува и на регионалниот самит на Австралија, Индија, Јапонија, САД.