Во Кабинетот на претседателот Стево Пендаровски почна седницата на Советот за безбедност посветена на актуелната политичка и безбедносна состојба во регионот и пошироко.
По завршувањето на седницата, како што е најавено, претседателот Пендаровски ќе даде изјава за медиумите.
На седницата, како што информираат од кабинетот на Пендаровски, присуствуваат редовните членови на Советот, Талат Џафери, претседател на Собранието на Македонија, Димитар Ковачевски, претседател на Владата, Оливер Спасовски, министер за внатрешни работи, Славјанка Петровска, министер за одбрана, Бујар Османи, министер за надворешни работи, Ненад Марковиќ, професор на Правниот факултет „Јустинијан I“ при Универзитетот „Св.Кирил и Методиј“, Ветон Љатифи, професор на Универзитетот на Југоисточна Европа и Трајан Гоцевски, поранешен министер за одбрана и универзитетски професор.
На покана на претседателот, на седницата на Советот ќе присуствуваат и Еролд Муслиу, директор на Агенцијата за разузнавање, Виктор Димовски, директор на Агенцијата за национална безбедност и генерал-потполковник Васко Ѓурчиновски, началник на Генералштабот на Армијата на Македонија.
