ДУРИ 41 ОТСТО ПОЗИТИВНИ ОД ТЕСТИРАНИТЕ ВО СРБИЈА: 13 753 заразени од 33 163 тестови, 19 починати

Во последните 24 часа коронавирусот во Србија е потврден кај 13.753 лица а тестирани биле 33.163 лица.

Како последица на заразата во изминатите 24 часа починале 19 лица, со што Србија ја надмина бројката од 13.000 починати од Ковид-19 или вкупно досега се починати 13.003 лица.

На лечење по болниците во Србија се наоѓаат 2.340 пациенти, а 96 се на респиратор.

Редиците пред ковид амбулантите не се намалуваат и бројот на нови пациенти се повеќе расте.