Претседателот Емануел Макрон утре ќе назначи нов француски премиер, соопштија од кабинетот на Макрон.
Само една недела по падот на владата на десниот центар предводена од Мишел Барние, Макрон ќе се обиде да номинира обединувачка фигура за Французите, иако медиумските извештаи покажуваат дека нема јасен фаворит.
Политичките коментатори најчесто го спомнуваат политичарот од десниот центар Франсоа Бајру (73), откако Макрон се консултирал со сите партии освен со крајната левица и десница за да се обиде да формира што поширока влада.
Доколку Бајру биде избран, останува да се види дали ќе може да формира влада на владејачкото мнозинство, а се очекува да се соочи со слична судбина како поранешниот преговарач за Брегзит, Барние.
Франција во длабока политичка криза
Во медиумите се споменува и името на поранешниот социјалистички премиер Бернар Казнев, како и на поранешниот министер за одбрана Себастиен Лекорну и поранешната министерка за децентрализација Катрин Вотрин.
Минатата среда опозицијата го собори Барние по само три месеци на функцијата во спорот околу буџетските кратења. Макрон е под притисок да ја урне својата влада откако распишувањето на предвремени избори оваа година имаше контраефект.
Опозициските партии бараат оставка на Макрон поради политичката и економската криза, додека буџетот за 2025 година сè уште не е усвоен од парламентот.
