Каков мултиетнички народ? Постои македонски народ и национални малцинства во македонската држава, вели универзитетскиот професор и поранешен почесен конзул на Македонија во Хрватска, Горан Калоѓера.
Ова е неговата реакција на бесмислениот термин „македонски мултиетнички народ“ што го измисли премиерот Зоран Заев, кој призна дека намерно и упорно го турка во употреба.
– Каков мултиетнички народ? Постои македонски народ и национални малцинства во македонската држава, објави Калоѓера на својот Фејсбук профил.
Тој во врска со ова „железно дрво“ на Заев го цитира македонскиот писател, лексикограф, историчар и воен водач Ѓорѓија Пулевски, кој дефинира што е народ: „Народ, тоа се луѓе што се од еден род и кои зборуваат на еден јазик, кои живеат и се дружат меѓусебно и имаат исти обичаи, песни и веселби. Тие луѓе ги викаме народ, а местото каде што живее народот се нарекува татковина. Така, Македонците се народ и нивното место е Македонија“.
