Кина ќе започне кампања за промоција на мандаринскиот јазик, а целта е до 2025 година да го користи 85 отсто од населението, соопштија денеска тамошните власти.
Како што пренесуваат странските агенции, целта е мандаринскиот јазик до 2035 година да стане речиси универзален во цела Кина.
Оваа кампања може дополнително да ги загрози регионалните дијалекти на кантонски и хавајски, како и јазиците на некои малцинства – тибетски, монголски и ујгурски.
Во соопштението на Државниот совет се наведува дека мандаринскиот јазик е неурамнотежен и неадекватен и дека треба да се подобри за да се задоволат барањата на модерното стопанство.
Критичарите велат дека малцинските јазици и култури се загрозени и дека целта е да се искоренат културите кои не се во согласност со доминантната етничка група Хан.
Во Кина лингвистите препознаваат околу 300 јазици (или дијалекти, зависно од дефиницијата за јазик и дијалект), меѓу кои најзастапен е мандаринскиот. Англискиот јазик се користи како „лингва франка“ во многу сектори, особено во бизнисот.
Во училиштата странските државјани задолжително го изучуваат мандаринскиот јазик, а во Хонг Конг англискиот се смета за еден од официјалните јазици.
