Чешката полиција соопшти денеска дека прекинала меѓународен синџир на шверцери кои се занимавале со префрлање мигранти од југоисточниот дел на Азија во западна Европа.
Уапсени се 12 члена на групата за време на извршената рација во Чешка и сите се државјани на поранешните советски републики.
Поради истиот случај полицијата оваа недела вршела претреси и во Словачка, Полска и Украина.
Групата организирала транспорт на мигранти од Виетнам, Бангладеш и Шри Ланка, главно пренесувајќи ги во Германија, Франција и Велика Британија.
На криумчарите им се заканува затворска казна до десет години.
