Миљана К., мајката на момчето убиец од ОУ „Владислав Рибникар“ денеска била спречена кога се обидела да ја напушти Србија со својата ќерка, дознава „Блиц“.
Миљана К. се обидела да ја напушти државата преку граничниот премин „Прохор Пчињски“ кон Македонија, но полицијата ја привела.
Да потсетиме, на крајот на минатиот месец беше покрената истрага против Миљана К., мајка на малолетно момче убиец кој уби девет негови врсници и чуварот на училиштето „Владислав Рибникар“, поради сомнение дека го занемарила и малтретирала момчето убиец пред делото. Доколку се докаже дека го сторила ова кривично дело, и се заканува затворска казна до три години.
Првото основно јавно обвинителство во Белград на 23 мај соопшти дека на полицијата и било наредено да собере податоци за мајката на момчето кое било убиецот.
Исто така, тогаш на Градскиот центар за социјална работа му било наложено да изврши дијагностичка проценка на функционирањето на семејството на момчето убиец и за ова да поднесе пријава до обвинителството, како и да утврди дали наведеното семејство претходно било во евиденција на тоа тело.
Доколку се докаже дека мајката ги занемарила обврските како родител, ќе и се заканува затворска казна до 3 години.
