Филипче сака да стане партизан откако со Заев ги избришаа одлуките на АСНОМ од Уставот. Филипче сака да стане партизан, откако со Заев им дозволија на Бугарите да не потценуваат и да ни го негираат идентитетот, јазикот и културата, вели Валентин Манасиевски, портпарол на ВМРО-ДПМНЕ.
-Филипче сака да стане партизан откако јасно со Заев подвлекоа дека бугарските фашисти во Втората светска војна биле администратори и ослободители. Филипче треба да одговори зошто маршираа во Прилеп, кога ги избришаа одлуките на АСНОМ од Уставот? Дали Филипче ги знае целите на оние кои ги положија животите во Втората светска војна? И конечно да одговори, дали Бугарите во Втората светска војна биле фашисти или ослободители? Филипче, јасно ти порачуваме да не си играш со македонскиот народ, посочи Манасиевски.
Портпаролот на владејачката партија порача дека граѓаните не забораваат што направи Филипче со Заев додека беше на власт.
-Филипче и Заев никогаш повеќе, рече Манасиевски.
