Десетици илјади Бразилци во саботата повторно протестираа во неколку градови во земјата на повик на левичарските партии против зголемените трошоци за живот и побараа повлекување на претседателот Жаир Болсонаро.

Најголемите собири се одржаа во Рио де Жанеиро, Сао Паоло и Бразилија на покана на Националната кампања за отповикување на Болсонаро, поддржани од десетина левичарски партии и синдикални организации.

Врховниот суд побара отворање на неколку истраги против Болсонаро и неговите соработници, особено за ширење лажни информации.

Претходните протести предводени од левицата повикуваа на отповикување на Болсонаро поради, како што велат, неговиот лош одговор на пандемијата, а во саботата имаше реакции и за зголемување на цените на храната, гасот и горивото, како и за невработеноста.

Како што јавуваат медиумите, на 7 септември, пак, 125.000 поддржувачи на Жаир Болсонаро се собраа на митинзите во Бразилија и Сао Паоло, повеќе одошто левицата успеа да собере оваа сабота во двете регионални престолнини.