Во селото Вадлур, во Индија, од каде потекнува семејството на Уша Венс, сопругата на Џеј-Ди Венс, потпретседателот на поранешниот американски претседател Доналд Трамп, секој ден се молат Венс да стане потпретседател на САД.
Секој ден во рурален храм во југоисточна Индија, хинду свештеникот Субхрамања Шарма му се поклонува на идолот на Саи Баба, гуру од 19 век кој неговите следбеници го почитуваат како божество и се моли Џеј Ди Венс да стане следниот потпретседател, објави Франс24.
Вадлуру, кој се наоѓа на работ на каналот во селото Вадлуру во Андра Прадеш, е родното место на предците на Уша Венс, која би можела да стане втора дама на САД доколку поранешниот републикански претседател победи на изборите во ноември.
Прадедото на 38-годишната адвокатка живеел во селото Вадлур, каде семејството се уште е многу почитувано, особено поради бројот на академици и познавачи на хиндуистичките списи.
Нејзиниот татко, Чилукури Радакришнан, кој е доктор на науки, пораснал во Ченаи (Мадрас) пред да ги продолжи студиите во САД.
Потоа се вратил во Индија пред да се насели во Сан Диего, каде што пораснала Уша.
На Правниот факултет Јеил го запознала Џеј Ди Венс и се венчале во 2014 година и имаат три деца.
Уша Венс никогаш не го посетила своето село на предците, но нејзиниот татко последен пат отишол таму пред три години за да ја провери состојбата на храмот, рече свештеникот.
