Читам дека Гоце Делчев е повторно во центарот на вниманието на бугарските и македонските историчари. Не знам каква врска имаат бугарските научници со Делчев освен, како партиска задача, да го вратат под бугарски закрила, пишува денеска хрватскиот универзитетски професор д-р Горан Калоѓера.
– Не го разбирам учеството на македонските научници во оваа комедија околу Делчев. Барем ним се треба да им биде јасно. Заедничка бугарско – македонска историја, што е тоа? Секој народ има своја национална историја, си ја чува својата историја и не краде од никого тоа што не му припаѓа. Не спорам тоа дека бугарската и македонската историјата и нивните историски личности се преплетувале, но секогаш со јасни цели, Бугарите да окупираат, да сотрат се македонско, а Македонците да се изборат за правото на своја нација, историја, јазик и самобитност. И тука повлекуваме линија. Делчев со сето свое битие е дел од македонското национално историско битие, со сето свое дело, идеи, организиторски способности,филозофија и револуционерно искуство. Народ кој е подготвен буквално да ги продава своите најистакнати луѓе, ме потсетува на продажбата на поповите „глагољаши“ и нивниот прогон по смртта на Наум и нивниот прогон со иста цел да се сотре нивната трага. Но, како што ни покажува историјата, тоа не се случило. Нема да се случи ниту со Делчев!- објави денеска Калоѓера на својот профил на Фејсбук.
Несфатливо е тоа што овој хрватски научник почесто, повеќе и со поголем револт реагира на прекројувањето на македонската историја од мнозина македонски научници. За жал.
(Д.Г.)
