Во дворот на црквата Свети Димитриј во Теарце вечерва од 20 часот ќе се одржи промоција и проекција на краткометражен филм „Ѓурѓовден во Долни Полог (Ајде на билки сите девојки) по сценарио и режија на Бобан Трпковски од КУД „Кирил Пејчиновиќ“.
Во рамки на промоцијата ќе се одржи и концерт со изведба на песни и ора на КУД „Кирил Пејчиновиќ“, а гости на настанот се вокално-инструментален состав „Аманет“.-Филмот е за празникот Ѓурѓовден, што претставува празник на будење на природата, проследен со многу магиско-антропејски адети и обичаи. Посебно место во Ѓурѓовденските обичаи има берењето билки кој се изведува еден ден пред самиот празник, информира Бобан Трпковски, автор на филмот.Филмот е снимен во текот на годинава, со времетраење од 20 минути. Филмот ќе биде достапен на социјалните мрежи. Делото е поддржано од Министерството за култура.
