Албанскиот премиер Еди Рама изјави дека е „повеќе од горд на придонесот на Албанија во тешкиот процес на нормализирање на односите меѓу Косово и Србија“.
-Не би можел а да не бидам повеќе од горд на решителниот и конкретен придонес на Албанија во тешкиот процес на нормализирање на односите меѓу Косово и Србија. Сепак, нацрт-статутот за Заедницата на општини со српско мнозинско население (ЗСО) прифатен од Косово и Србија како соодветен работен документ е нацрт на ЕУ, напиша тој на објава на социјалните мрежи.
-Албанија силно ќе го поддржи Косово во спроведувањето на Основниот договор и ќе продолжи да ја игра својата улога во промовирањето на мирот, стабилноста и регионалната соработка меѓу сите земји од нашето соседство, наведува тој.
Рама најави дека наскоро ќе отпатува за Приштина за лично да ја покаже неговата поддршка.
Како што пренесуваат албанските медиуми токму Предлог-документот што Рама го доставил до високите претставници на ЕУ, е оној кој на косовскиот премиер Албин Курти и српскиот претседател Александар Вучиќ им го предложиле евопските претставници.
Фото: Фејсбук страна на Рама
