Саудискиот министер за енергетика, принцот Абдулазиз бин Салман, денеска изјави дека нападите врз земјата во изминатите недели биле сериозни и дека одговорот на Саудиска Арабија мора да биде „подеднакво сериозен“.
Според него, јеменските бунтовници Хути, поддржани од Иран, ги интензивираат нападите врз Кралството, при што за две недели загинаа повеќе од 15 луѓе.
Во текот на изминатата недела се случија повеќе напади врз аеродромот во Ријад, а најсериозниот беше изведен во саботата кога загинаа најмалку 13 лица, а 309 беа повредени.
Голем број земји ги осудија нападите, наведувајќи дека е недозволиво да се гаѓаат цивилни објекти.
Јеменската милитантна група Хути презеде одговорност за нападот врз меѓународниот аеродром во Ријад, а во текот на изминатата ноќ врз тој аеродром беше извршен уште еден напад.
Саудиска Арабија се вклучи во јеменската граѓанска војна во 2015 година, поддржувајќи ја меѓународно признатата влада во борбата против Хутите. По повеќегодишни борби, во текот на 2022 година беше постигнато примирје, но нападите годинава повторно се интензивираа.
