Сладок лимон е еден од одбранбените механизми, кога некој говори за нешто што не му одгора, ама за да биде поразблажено го релативизира како блачко.
Така, за СДСМ „сладок е и лимонот“ за најавениот голем протест на ВМРО-ДПМНЕ на 18 јуни, за што денеска реагираат преку соопштение, кое подолу го објавуваме во целост:
Откако им пропадна деструктинвата идеја за блокирање на собранието „невидените“ чекори кои ги најавуваше Мицкоски се сведоа на еден протест за еден месец од сега.
Ако на Мицкоски му е потребен еден месец за да организира еден протест, тоа говори за внатрешните проблеми кои ги има за да си ја зачува сопствената фотелја во ВМРО-ДПМНЕ.
Како и да е, протест е демократско право на опозицијата.
Што се однесува до изборите, тоа прашање е затворено. Изборите ќе бидат редовни во 2024 година и на тие избори ВМРО-ДПМНЕ ќе загуби.
СДСМ уште еднаш посочува дека било какви деструктивни идеи за блокада на државата нема да успеат и повторно ќе бидат поразени.
Парламентарното мнозинство предводено од СДСМ продолжува да работи за граѓаните и поддршка на стандардот во услови на најголема економска и енергетска криза по Втората светска војна во Европа.
Центар за односи со јавноста на СДСМ
