СДСМ се профилира како партија којашто единствена го брани националниот интерес на македонскиот народ да биде дел од големото европско семејство, признаен и почитуван, истакна на денешната прес-конференција портпаролот на СДСМ, Дарко Каевски.
И на оваа прес конференција, како и во безброј други соопштенија на партијата која е на власт, виновник и е опозицијата за сите неуспеси на СДСМ. По принципот, ако стопати се повтори лага има шанси да стане вистина. Но, се помал е бројот на тие што „паѓаат на ваквите партиски принципи“.
Во продолжение интегрален текст од прес-конференцијата:
Единствен кочничар на државата е анти-ЕУ и анти-НАТО коалиција на ДПМНЕ и Левица.
Иако имаме успешен скрининг, иако имаме силна поддршка во Унијата и отворени врати, поради активната блокада на Мицкоски и Апасиев во македонското Собрание не започна процесот на отворање поглавја.
Виновникот има име и презиме: Мицкоски и ДПМНЕ.
Мицкоски ги понижи македонските граѓани и македонскиот народ.
Откако пропаднаа и сите лаги со кои што го плашеа македонскиот народ, дека некој ќе ни го смени идентитетот, дека ќе сме се асимилирале и бугаризирале.
Сега на граѓаните им е кристално јасно: со ДПМНЕ и Левица нема Европска Унија, нема иднина.
ДПМНЕ ја загуби идеолошката матрица и почна да забегува заедно со Левица.
СДСМ се профилира како партија којашто единствена го брани националниот интерес на македонскиот народ да биде дел од големото европско семејство, признаен и почитуван.
Со СДСМ имаме заштитен македонски јазик и идентитет и извесно членство во ЕУ, подобар животен стандард, поголеми плати и пензии.
Затоа на овие избори за кочничарите, за активните блокатори, за анти европскиот блок на ДПМНЕ и Левица им следува голема казна и пораз.
Активната блокада на европскиот пат паѓа за само неколку месеци и ќе биде поразена.
Со глас за СДСМ и Европскиот Фронт се обезбедува европска иднина, продолжуваме по европскиот пат и полноправно членство во ЕУ.
СДСМ ќе ја формира новата проевропска Влада која ќе ја однесе земјата во Европската Унија и која ќе обезбеди европска иднина, европски стандард и европски вредности.
Дарко Каевски, портпарол на СДСМ
Центар за комуникации со јавност на СДСМ
