Цената на струјата во Финска надмина 400 евра за мегават час (MWh) оваа недела, во која е забележан пикот на потрошувачката, покажуваат податоците на берзата за електрична енергија Норд Пул.
Највисока цена е регистрирана на 29 ноември, дури 422 евра за мегават час, со вклучени даноци, што е за петпати повеќе од пред една година.
Финска е енергетски зависна, со околу 10 отсто од нејзината електрична енергија испорачувана од Русија.
Експертите велат дека струјата во Финска најверојатно ќе остане скапа до летото следната година, кога се очекува да профункционира нуклеарната централа Олкилуото 3.
Цената на јануарските фјучерси на гас на берзата ТТФ во Холандија во вторникот надмина 1.170 долари за илјада кубни метри или 100 евра за мегават час.
Според податоците од финската електроенергетска мрежа Фингрид, увозот на електрична енергија од Русија учествувал со 10 отсто од потрошувачката на електрична енергија во таа земја во периодот јануари-септември 2021 година.
Просечната цена на руската струја беше 57,98 евра за мегават час.
