Тренерот на Манчестер Јунајтед, Ерик тен Хаг ја оцени играта на својот тим на пријателскиот натпревар против Арсенал.
Натпреварот се одигра на стадионот „SoFI“ во Инглвуд (САД) и заврши со резултат 2:1 во корист на лондонскиот тим.
– Двата тима одиграа многу добро третата недела од подготвителната сезона, но мислам дека изгледавме подобро во првото полувреме. Постигнавме многу добар гол – одлично додавање од Рашфорд и добра завршница од Хајлун. Создадовме уште неколку убави шанси, но потоа примивме гол. Генерално, тимот одигра добро и можевме да избориме реми на оваа средба, изјави Тен Хаг за клупскиот сајт на тимот од „Олд Трафорд“.
Следниот натпревар Манчестер јунајтед ќе го има против Бетис на 1 август.
Во 1. коло од Премиер лигата на 16 август, екипата предводена од Тен Хаг ќе го пречека Фулам.
Фото: ЕПА
