Турција ја разгледува можноста за организирање средба помеѓу руски и американски претставници, објавија руските медиуми повикувајќи се на неименуван турски извор.
Тој посочи дека Анкара продолжува внимателно да ги следи контактите помеѓу Москва и Вашингтон.
Засега немаме добиени никакви предлози за организирање ваква средба во Турција, наведе неименуваниот извор.
Турција и претходно се обидуваше да се позиционира како посредник и место за дипломатски контакти во врска со конфликтот во Украина одржувајќи канали на комуникација и со Москва и со Западот.
Претседателот на Комитетот за меѓународни работи на Советот на Федерацијата, Григориј Карасин, претходно изјави дека почнала нова фаза во преговорите меѓу Русија и САД за решавање на украинскиот конфликт.
Според него, достигната е фаза во која е потребно да се преземат конкретни чекори и да се продолжи напред во барањето решение за кризата. Но, тој не наведе детали за форматот на идните разговори или за можното место за нивно одржување.
