Рускиот постојан претставник при меѓународните организации во Виена, Михаил Уљанов, изјави дека француските политичари и новинари кои зборуваат за наводна вмешаност на Русија во шумските пожари во Франција покажуваат непочитување кон сопственото население.
„Некои француски функционери и новинари тврдат дека Русија на некој начин е вмешана во шумските пожари во Франција. Тие едноставно не го почитуваат населението на сопствената земја“, напиша Уљанов на социјалната мрежа „Икс“.
Претходно, лидерот на француската партија „Патриоти“, Флоријан Филипо, ја исмеа објавата на француската телевизија „Бе-Еф-Ем ТВ“ дека Русија наводно е виновна за шумските пожари што ја зафатија Франција, нарекувајќи ги таквите активности како „легално ширење теорија на заговор“.
Европа е зафатена од еден од најтоплите периоди во последните години, а најзасегнати се области во Шпанија, Португалија, Франција, Италија и Грција.
Како што изјави францускиот претседател Емануел Макрон, Франција се соочува со најголем број природни пожари од крајот на Втората светска војна.
