Претседателот на Владата, Зоран Заев денеска ќе изврши увид на работните активности на патот Крива Паланка – Деве Баир.
При увидот премиерот Заев ќе биде придружуван од вицепремиерот за борба против корупцијата и криминал, одржлив развој и човечки ресурси Љупчо Николоски, министерот за транспорт и врски Благој Бочварски, директорот на ЈП за државни патишта Ејуп Рустеми и градоначалникот на Општина Крива Паланка Борјанчо Мицевски.
Денеска Заев и министри од економските ресори, исто така, ќе присуствуваат на отворањето на новата инвестиција на конзорциумот на домашни и странски инвеститори „Интернешанал фреш фуд“ за бројлерско производство во селото Гиновци во Општина Ранковце.
Како што соопшти владината прес-служба покрај премиерот Заев на официјалното отворање ќе присуствуваат и вицепремиерот за борба против корупцијата и криминал, одржлив развој и човечки ресурси Љупчо Николоски и министрите за финансии, за економија и за земјоделство, шумарство и водостопанство, Фатмир Бесими, Крешник Бектеши и Арјанит Хоџа.
По обиколката на халите, премиерот Заев ќе има обраќање, а ќе има можност и за новинарски прашања и за присутните министри, се додава во соопштението.
