Меѓудругото токму поради ваквите евтини трикови и надмудрувања кои беа очекувани од СДС и Ковачевски, ВМРО-ДПМНЕ повика да се укине техничката влада, што Ковачевски истото го одби, реагира ВМРО-ДПМНЕ по изјавата на Ковачевски дека ако не гласа за техничката влада, министерските места на опозиционата партија треба да останат празни.
„Со цел да се постапи државнички и одговорно ВМРО-ДПМНЕ прифати да учествува во техничката влада, без да го гласа техничкиот премиер Џафери од ДУИ.
ВМРО-ДПМНЕ останува на истиот став, и имињата за министри и заменици, согласно законот ќе бидат предложени наредната недела.
Останува на власта дали ќе одбере да го почитува законот, или истиот ќе го крши, што само ги открива и позадинските намери за загрозување на изборниот процес што е доказ за огромната доза на нервоза кај власта во заминување.
Правото не познава предлози за министри, “празно место” како што изјавува Ковачевски“, соопштува ВМРО-ДПМНЕ.
