Времето денеска ќе биде променливо облачно, долж Повардарието и по одделни котлини со појава на магла. Попладне во западните и северните делови ќе има повремен локален дожд. Ќе дува слаб до умерен, а наместа во западните делови повремено засилен ветер од западен до југозападен правец. Минималната температура ќе биде во интервал од -3 до 2, а максималната ќе достигне од 9 до 16 степени, соопшти УХМР.
Во Скопје променливо облачно и наутро магливо, преку денот со услови за краткотраен дожд. Минималната температура ќе се спушти до 0, а максималната ќе достигне до 11 степени.
Преодно стабилизирање на времето ќе има во петок и во сабота претпладне. Нов влажен бран со врнежи претежно од дожд, само на високите планини од снег ќе започне од сабота кон крајот на денот, а повремено пообилни врнежи ќе има во ноќта во недела и недела. Во понеделник ќе биде постудено, со услови за врнежи од дожд со слаб интензитет, а слаб снег ќе провејува на планините и понекаде во повисоките места.
Под влијание на циклонска активност, од сабота кон крајот на денот ќе има врнежи од дожд, само на повисоките планини од снег. Врнежите наместа ќе бидат пообилни во текот на ноќта кон недела, над 20 л/м2 . Ќе дува умерен до засилен ветер од југоисточен, а од понеделник од северен правец, што ќе предизвика значително заладување, соопшти УХМР.
Од вторник времето ќе биде стабилно со ниски утрински и дневни температури.
Во Скопје денеска и утре ќе се задржи магливо време со пониска дневна температура.
Во сабота ќе дува умерен до засилен југоисточен ветер, а кон крајот на денот ќе има врнежи од дожд. Во недела ќе се задржи претежно облачно време со повремен дожд, а во понеделник заради спуштање на студена воздушна маса ќе дува засилен северен ветер и во повисоките делови од котлината ќе има услови за повремен снег.
Фото: МИА
