Времето денеска ќе биде сончево со мала локална облачност. Ќе дува слаб ветер од северозападен правец. Утрото ќе биде ведро и студено со услови за појава на магла по одделни котлини. Минималната температура ќе се движи од -7 до 3, а максималната од 7 до 14 степени.
Во Скопје утрото ведро и студено со појава на утринска магла, а во текот на денот сончево и тивко со мала облачност. Минималната температура ќе се спушти до -4, а максималната ќе достигне 9 степени.
Според УХМР, до петок ќе се задржи стабилно, суво и претежно тивко време со ниски утрински температури. По одделни котлини ќе има појава на магла со пониски дневни температури. Во сабота се очекуваат локални врнежи од дожд, а на планините од снег.
Најстудено утрово е во Берово каде што се измерени седум степени под нулата.
Како што соопшти УХМР, минусни температури во 8.30 часот се измерени и во Битола -5, -4 степени во Струмица, Тетово, Скопје-Петровец и Демир Капија, -3 во Кавадарци, Штип, Прилеп и Велес, -2 степена во Скопје-Зајчев Рид, Маврови Анови и Крива Паланка, -1 во Охрид и Претор.
На Попова Шапка и во Гевгелија 1 степен и 2 степена утрово се измерени во Крушево.
Снег има во Маврови Анови, каде висината на снежната покривка во 7 часот била 49 сантиметри, и на Попова Шапка со 47 сантиметри.
