Времето претпладне во Македонија ќе биде променливо облачно со локален пороен дожд и грмежи претежно во планинските региони.
Попладне ќе биде умерено облачно. Ќе дува слаб до умерен северен ветер. Во југозападните делови ветерот ќе биде западен и повремено со засилен интензитет.
Утринската температура ќе се движи од 9 до 17, а дневната од 21 до 34 степени.
Во Скопје, облачно со сончеви периоди. Ќе дува слаб до умерен ветер од северен правец. Утринската температура ќе се спушти до 13, а дневната ќе достигне до 30 степени.
Од понеделник времето ќе биде претежно стабилно со повремено зголемена облачност и нешто пониски дневни температури. Особено посвежо ќе биде од среда.
