Зошто Груби го нема пријавено автомобилот кој е запален во неговиот анкетен лист?, ова денеска преку соопштение до јавноста го прашуваат од ВМРО-ДПМНЕ.

-Бараме ЈО да отвори постапка за прикривање на имот, потенцијално даночно затајување и злоупотреба на службена положба и овластување против Груби, кој автомобилот за кој цела влада потврди дека е негов не го пријавил во својот анкетен лист, и не го запишал на свое име. Бујар Османи, Крешник Бектеши и другите министри од владата потврдија дека запалениот автомобил е возило на Груби. Според евиденцијата која ја објавија медиумите, автомобилот е во посед на друго лице за кое Груби вели дека му е пријател. Кој е тој пријател на Груби кој купил Ауди А6 возило вредно 80.000 евра и наместо да го вози сам го дал на Артан Груби да го вози и управува со него како со свие возило?, прашуваат од партијата.

Од таму исто така го поставуваат прашањето дали Груби има возачки дух па доби Ауди А6, кое не го пријавил, зошто не го купил официјалано, исто како што Дрин Ахмети имаше претприемачки дух па ја доби Соравија?

-ЈО да не го пробива дното и да отвори постапка. ДКСК да не молчи и да реагира. Дополнително да каже дали Груби е еден од функционерите кои имаат свој имот запишан на име на трети лица, за кои говореше нивната претседателка Билјана Ивановска?

Владата го осуди палењето на возилото што го користел вицепремиерот Артан Груби, за кое вчера имаше разногласие, дали е негово или на соседот.

– Безбедноста е врвен приоритет во едно демократско општество. Владата на РС Македонија го осудува чинот на палење на возилото кое го користел првиот заменик претседател на Владата, Артан Груби“, се наведува во денешното соопштение.

Владата смета дека истото е акт на насилство кој е целосно неприфатлив и недозволив во едно демократско општество кое се залага за европски вредности, реагираат од Владата.

-Сите надлежни институции, истражните и судските органи, во рамките на своите надлежности постапуваат без одлагање, одлучно и професионално со цел целосно разрешување и расчистување на овој случај во најбрз можен рок, се додава во соопштението.