Зоран Заев не го прима неговиот пулен и штитеник Боки 13 во премиерскиот кабинет во Владата, туку на фотографиите е Христијан Мицкоски маскиран во политичар три пати аболициран за криминал, реагира денеска ВМРО-ДПМНЕ на обвинувањата од СДСМ.
– Боки 13 на аудио снимката кога вели дека Заев е во тек и знае се, односно дека заедно ги менаџираат работите мисли на Христијан Мицкоски кој лажно му се претставувал. Кога Катица Јанева вели дека после исплатените милион ипол евра, се ќе било ОК и нема потреба за грижи, всушност не е Катица, туку Мицкоски кој го прикрил гласот и се претставил како специјален јавен обвинител. Торбата не е однесена во Влада е се е само монтажа на ВМРО ДПМНЕ и Христијан Мицкоски. Всушност Боки Тредичи само ја прикрива Радмила Шекеринска дека ќе му доаѓала на гости бидејќи таа тогаш била за да добие насоки од ВМРО и Мицкоски. Не е точно дека Ременски, Костадинов и останатите функционери на СДСМ се до гуша во криминалите на Боки 13. Сите нивни фотографии се монтажа исто како и снимката каде што цело СЈО плус Вилма Русковска се поздравуваат со Боки Тредичи. Луѓе од ВМРО и ги земаат 750.000 евра во кеш на женичката со најскапата идеја во историјата. Вилма Русковска е човек на ВМРО и затоа не ја процесуира истрагата, се вели во реакцијата.
Натаму од опозициската партија додаваат:
– Ова е светот во кој што живеат Заев и Костадинов. Да не беше Македонија заглавена во корупција, криминал и сиромаштија ќе беше урнебесно смешно. Вака е трагично. Толку да се потценува и понижува сопствениот народ е нешто невидено. Русковска ги има сите докази за рекетот уште од април. Наместо да се приведат сите инволвирани, четири месеци се прикриваат трагите. Дури главата на октоподот Зоран Заев , сакаат да го претстават како пријавител, иако тој јасно и гласно ги упатуваше сите кои имале сознанија да ги пријавувале во ЈО. Четири месеци се обидуваат да ка убедат јавноста дека Боки Тредичи и Зоран Кичеец се толку моќни да рекетираат десетици милиони евра брз ничија поддршка. Лицемерни и срамни се обидите да се лаже јавноста за некаква професионална и ефикасна истрага. Ќе одговараат и Заев и Костадинов и сите инволвирани откако ќе се врати правдата во Македонија, а институциите ќе бидат ослободени од слугите на криминалците, се вели во реакцијата.
Претходно ВМРО-ДПМНЕ соопшти и за новите моменти околу Рекет:
– Пред неколу дена медиумите обелоденија дека има отворен сомнеж за платен рекет од 260.000 евра од страна на Адријан Амзоски на хуманитарната фондација на Боки 13, а за возврат Катица Јанева преземала надлежност врз обвинение од основното јавно обвинителство. Истото тоа обвинение го повлекла во една кривична постапка која се водела против истиот Адријан Амзоски. Имено во март 2017 година е поднесен обвинителен акт од ОЈО против Адријан Амзоски и фирмата „ФИНЕ“ ДОО Скопје поврзана со изградбата на објектот „Космос“ каде што Адријан бил инвеститор. Само една недела по доаѓањето на власт на СДСМ во јуни, Боки 13 го отвора „Меѓународен сојуз“ и на самото отворање се редат сите инволвирани во случајот „Рекет“. Катица Јанева откако добива надлежност без никакво образложение, без ниту едно рочиште, го повлекува обвинителниот акт врз Адријан Амзоски. Сето ова докажува дека постои шема од Катица Јанева, Заев и останатите за да се вршат притисоци и да се рекетираат пари. Поради сето ова што се случува во Република Македонија потребни се предвремени парламентарни избори, за да се стави крај на рекет, мито и сите лудории и криминали кои што ги прави Владата на Зоран Заев, се вели во соопштението од ВМРО-ДПМНЕ.
