Горат дуќани во Трговскиот центар „Глобал“ во центарот на Струмица, објавија струмичките медиуми. Пожарникарите во моментот се справуваат со пожарот. Опожарени се дуќани на приземјето од Трговскиот центар…
Медиумите од Струмица, но и жители на градот во живо ја пренесуваат атмосферата и гаснењето на пожарот.
Според информации од екипата на телевизијата ВИС која е на теренот, во моментов во пламен е продавницата Џо-Го, но се зафаќаат и други дуќани во близина.
Во моментов не може се утврди од каде почнал пожарот и која е причината за настанувањето.
-Огнените јазици што се кренаа над градот ги вознемирија струмичани и алармираа да се соберат голем број граѓани пред трговскиот центар, објави телевизијата.
