Семејството на починатиот шпански фашистички диктатор Франциско Франко ќе се спротивстави со сите правни средства за да се спречи планот на владата да ги тргне останките на нивниот родител кои се наоѓаат во близина на Мадрид, објавија шпански медиуми.
За време на владеењето на Франко од 1939-1975, период кој уште е чувствително прашање во земјата, десетици илјади негови непријатели беа ликвидирани, а во граѓанската војна загинаа половина милион борци и цивили, а земјата се подели на две.
Според шпанските медиуми, седум внуци на Франко објавија соопштение во кое изразуваат „едногласно и силно“ противење за негова ексхумација.
Алејата на паднатите, каде Франко и десетици илјади жртви од шпанската граѓанска војна (1936-1939) почиваат во Европа е критикуван како единствен споменик кој останал од фашистички лидер.
Медиумите велат дека не гледаат со кои правни средства наследниците на Франко можат да ја спречат ексхумацијата. Нив со декрет им се дадени 15 дена од крајот на август да решат каде ќе бидат преместени остатоците на Франко, или тоа ќе и го остават на владата.
Семејството соопшти дека „доколку остатоците се ископаат протов нивните волја, во тој случај тие ќе ги побараат останките и ќе ги погребаат со христијански обичаи“.
