Министерот за надворешни работи Бујар Османи во синоќешното гостување на Националната телевизија (Македонска телевизија, на која придавката некому му прели з.н.), истакна дека францускиот предлог и протоколот се два неповрзани процеси.
-Францускиот предлог ја утврдува рамката за преговорите за членство, додека протоколот е билатерален документ со кој редовно се следи имплементација на договорот. Коинцидираат временски, затоа што во дел од овој пакет на односи со Република Бугарија за да се даде согласност за европскиот, треба да се потпише и овој договор, меѓутоа тие два документа не се меѓусебно поврзани, истакна Османи.
Османи посочи дека протоколот може да ја пресликува динамиката на европскиот процес, но европскиот процес не смее да пресликува динамика на протоколот кој се однесува на билатерални прашања кои ние ги имаме во односите со Република Бугарија и обврските што ги имаат тие спрема нас во ЕУ.
Поранешниот колега на Османи, ексвицепремиерот и ексминистер Никола Димитров, денеска во објава на социјалните мрежи напиша дека тврдењето на Османи „едноставно е лага“.
