Генералниот секретар на ОН Антонио Гутереш треба да се сретне со украинскиот претседател Володимир Зеленски и турскиот претседател Реџеп Таип Ердоган денеска во Лавов, град во западна Украина, речиси шест месеци по руската инвазија врз таа држава.
– Тројцата лидери ќе разговараат за неодамнешниот договор за извоз на украинско жито, но и за потребата од политичко решение на конфликтот. Не се сомневам дека ќе се допираат и други теми како што е нуклеарната централа Запорожје, најави портпаролот на ОН Стефан Дужарик.
Зеленски вчера рече дека Гутереш веќе пристигнал во Украина. Тој најави дека работат заедно за да ги постигнат потребните резултати за Украина.
Генералниот секретар треба да разговара и со Зеленски на посебна средба. Потоа в петок треба да отпатува за Одеса, едно од трите пристаништа наменети за извоз на жито според постигнатиот договор, по што ќе ја посети Турција, особено Заедничкиот координативен центар (ЦКЦ) кој го надгледува договорот.
Податоците на ОН покажуваат дека од 1 до 15 август 21 превозник на големо добиле одобрение за испловување. Тие превезле вкупно 563.317 тони земјоделски производи, од кои 451.481 тони пченка.
