Убиство во Тетово е насловот на новиот истражувачки документарен филм за пожарот во модуларната болница во Тетово во кој изгореа 14 лица, што го објави Истражувачката репортерска лабораторија (ИРЛ) вечерва.
– Чудни околности го следат целиот тек на предметот. Замрсени тендерски постапки, контрадикторни вештачења, педесетина сведоци, завидна документација. До сега видовме сé, освен вистината, се наведува во најавата за документарниот филм на Македонската радио-телевизија (МРТВ).
Како што објавија повеќе медиуми, репортерите на ИРЛ повеќе од седум месеци работеле во Скопје и во Тетово и ги собирале и анализирале податоците од документите добиени за овој случај.
– Заслужувате да ја знаете вистината за една од најголемите несреќи кои и се случиле на земјава, порачаа од новинарската екипа.
Како што е познато, веднаш по овој трагичен настан, за „виновен“ беше прогласен продолжен кабел кој се користел во модуларната болница.
