Околу 51 илјада македонски државјани ја посетиле Бугарија во јануари годинава, а над 29 илјади Бугари патувале во Македонија, соопшти бугарскиот Национален статистички институт (НСИ).
Најбројни странски туристи во Бугарија биле Турците 162,9 илјади, Романците 125,6 илјади и Грците 105,9 илјади.
Бугарите, пак, во јануари најмногу патувале во Турција 139,4 илјади, во Грција 97 илјади и во Србија 51,1 илјада.
Во јануари, бројот на странски посетители во Бугарија изнесувал 741,3 илјади или за 4,1% повеќе во однос на истиот месец лани.
Бројот на бугарски државјани кои патувала во странство во јануари 2024 бил 537,5 илјади, што е за 6,6 отсто повеќе од јануари 2023 година, објави НСИ.
