Четири бродови на кинеската крајбрежна стража денеска влегоа во „забранетите води“ околу два тајвански острови, соопштија властите во Тајпеј, на вториот ден од маневрите на кинеската војска околу Тајван.
„Ова е осми пат овој месец бродовите на кинеската крајбрежна стража да пловат во ограничени води“, соопшти крајбрежната стража на Тајван.
Наводно, четири брода влегле во водите на Тајван со поддршка на два други брода во близина.
„Ја повикуваме Кина да покаже воздржаност и веднаш да престане со своето ирационално однесување“, се додава во соопштението.
Кинески воени бродови и борбени авиони го опколија Тајван како дел од воените вежби кои почнаа вчера.
