Европските лидери го уништија мирот, но ќе имаат шанса да го постигнат ако ги поддржат напорите на американскиот претседател Доналд Трамп на неговата претстојна средба со рускиот претседател Владимир Путин, изјави унгарскиот премиер Виктор Орбан.
„Војна или мир? Трамп сака мир, па затоа ќе разговара со Путин во петок. Сега и европските лидери ќе имаат шанса. Ја пропуштија можноста за мир, но сега можат да го направат тоа исправно. Треба да направат само едно – да го поддржат претседателот Трамп. Се надевам дека нема да ја пропуштат“, напиша Орбан на Фејсбук.
Тој рече дека се надева дека нема да ја пропуштат можноста сега.
„Интерес на Унгарија е да ги укине санкциите, да ги запре убиствата и повторно да ја поттикне светската економија“, рече Орбан.
Во петокот, американскиот претседател Доналд Трамп објави дека ќе се сретне со рускиот претседател Владимир Путин во Алјаска на 15 август, но дека е отворен за трилатерален состанок на кој ќе учествува и Зеленски.
Претставник на Белата куќа изјави дека Трамп е отворен за присуство на украинскиот претседател, но дека во моментов се прават подготовки само за билатерална средба.
