Израелскиот премиер Бенјамин Нетанјаху му се извини на катарскиот премиер Мохамед бин Абдулрахман бин Јасим ал-Тани во телефонски разговор денес за нападот на Израел врз лидерите на палестинското движење Хамас во Доха на 9 септември, објави израелскиот Канал 12.
Нетанјаху разговараше со Ал-Тани неколку минути по телефон од Белата куќа, каде што претходно пристигна на состанок со американскиот претседател Доналд Трамп, објави „Тајмс оф Израел“.
Весникот објави дека Нетанјаху се извинил за кршењето на катарскиот суверенитет во нападот врз Доха и изразил жалење за убиството на катарскиот обезбедувач во тој напад.
Според медиумскиот извештај, извинувањето на Нетанјаху е клучно за тековните напори за финализирање на договор за завршување на војната во Газа и обезбедување на ослободување на сите заложници, бидејќи Катар го суспендираше медијацијата во преговорите со Хамас по израелскиот напад во Доха.
