Претседателот на Владата, Христијан Мицкоски денеска ја посети општина Кисела Вода, каде изврши увид на градежни активности на проектите од унгарскиот кредит, и тоа отворање на каналот и пешачката патека на Мала Рада и изградба на потпорни ѕидови и реконструкција на коритото.
Премиерот Мицкоски при посетата одговараше на новинарски прашања за Изборниот законик дали планита да го повлече бидејќи нема консензус.
-Тезата е грешна, еве зошто? Политичката партија Левица учествуваше во целиот процес на договарање на овој закон и им беа прифатени сите забелешки, се што побараа каде нивниот главен фокус беше на финансирањето изборната кампања. Се што побараа им беше прифатено и усогласено беше со сите што преговараа, впрочем има и записници. Проблемот настана кога не сакаа да се потпишат и рекоа вие потпишете го и слободно гласајте го, ние нема да правиме „филинг бастеринг“ и така да помине, изјави Мицкоски.
Тој ја нагласи пораката што Левица ја испраќа до сите.
-И со тоа каква порака испратија, ние добивме што сакаме, работевме цело време најлицемерно и сега се откажуваме, за да се покажеме дека пред тие што не поддржуваат дека ние сме тврдокорните, а во суштина се си прифатија за време на дебатата. Тоа е таа лицемерна политика што оваа политичка партија ја води, дециден е Мицкоски.
Премиерот потенцираше дека сака да им ги олесни шпекулациит на Левица за тоа дека после неговиот мандат ќе се врати меѓу студентите а не дека ќе се кандидира од дијаспората како што наведуваат од Левица.
-И тука излегоа и СДСМ да не бидат пократки и тие ќе правеле амадмани за Изборниот законик. И ние се јасно кажавме освен делот со дијаспората кажете ние се ќе прифатиме, изјави Мицкоски.
