Врховниот суд на Африм Фидани диригиран од Филипче и Ахмети, ги ослободува од вина директорите на Тетовската болница во која се запали модуларната болница, изјави денеска на прес-конференција Бране Петрушевски, заменик генерален секретар на ВМРО-ДПМНЕ и пратеник, стои во соопштението на ВМРО-ДПМНЕ, што МИА го пренесува интегрално.
Каков срам за правосудството во Македонија.
Ај што им дадоа на првото судење по една и пол година казна на Флорим Бесими и Артан Етеми, па потоа Апелација им ги зголеми на 3 години, сега Врховниот суд предводен од рецидивите на СДС и ДУИ, ги ослободија овие двајца поранешни директори.
Дали е ова правдата која ја чекаа семејствата на загинатите од пожарот во модуларната болница? Филипче кој како министер не е ни викнат на разговор, а сега на слобода да одат и братот на поранешниот министер за финансии Фатмир Бесими и Артан Етеми?
Филипче слободен, а сега и Бесими и Етеми ќе му се придружат. Луѓето кои беа најодговорни за пожарот во небезбедната болница и без минимум технички услови за работа, сега поради претседателот на веховниот суд Африм Фидани ќе шетаат слободни.
На остатоците на СДС и ДУИ мора да им дојде крај.
