Капиталните инвестиции одлично се реализираат, рече министерот Горан Сугарески денеска во Кавадарци, одговарајќи на новинарско прашање околу реализацијата на капиталните инвестиции.

– Претходната власт капиталните инвестиции ги темелеше на жални врби, згради по 40-50 милиони евра. Сега зборуваме за капитални проекти со личен бенефит на граѓаните. Кога се граделе споменици,  го немало за реконструкција на пример овој пат кој сега започна да се реконструира од Кавадарци кон Росоман. Триесет, четириесет години не се реконструирани овие патишта. На сите гранични премини сега се работи. Од Делчево  до граничен премин сега патот е писта направен. Во делот на комуналната инфраструктура,  во делот на гасификација, железници, патната  инфрастуктура која не е во централниот буџет,  капиталните инвестиции одлично тераат, изјави Сугарески.

Посочи дека треба да се почекаат следните 25 дена за да се видат конкретните бројки во ресорот транспорт, бидејќи првиот квартал, јануари и февруари не е градежна сезона.

– Ви кажувам дека ќе бидат одлични  и со најава за тоа дека уште подобри ќе  бидат во третиот и четвртиот квартал. Луѓе кои го преќутија периодот на режим и на жални врби и споменици, сега се главни критичари. Критиката е добра работа, ние ја слушаме. И ќе проидолжиме натаму. Силно сме посветени  во делот на патната инфраструктура, железницата, гасификацијата и комуналната инфраструкура, нагласи министерот.

Во Министерството, додаде,  во овие  година ипол две, има проекти во реализација преку 20 милиони, само во водоводи и каналиации кои во изминатите 20-30 години не беа чепнати.

Директорот на Јавното претпријатие, Зоран Китанов, рече дека ако се спореди првиот квартал од лани со тој оваа година, за платени капитални  инвестиции, разликата е 215 отсто повеќе оваа годишна.

-Минатата година исплатени беа 945 милиони денари, оваа година 2.960,000. До крајот на годината ние ќе имаме буквално  најголема инвестиција до сега за реконструкција, рехабилитација на патишта. Не е само да се градат нови патишта. Не може старите да ги оставите, да ги запуштите. Очигледно е дека триесетина  години не биле чепнати, нагласи Китанов.