Лидерот на ДУИ, Али Ахмети, останува на ставот дека претседателот на Република Македонија треба да биде консенсуален.
– Јас се придржувам на принципот дека Претседателот на државата треба да биде консензуален и дека треба да се договориме со македонската страна. Јас и тогаш разговарав со господинот Заев за Претседател на државата, пред пет години. Доколку тогаш најдев заеднички јазик со Заев, јас ќе излезев со тој кандидат без разлика на фактот што бев во коалиција со ВМРО-ДПМНЕ. Тогаш јас јавно кажав дека доколку постигнам договор со Заев, јас на претседателски избори ќе излезам со него. Но и сега, било кој избор што е подобар за Албанците, јас ќе го прифатам, рече Ахмети во интервју во емисијата „КликПлус“ на телевизија ТВ 21.
На прашањето дали имаат одредено име кое ќе ги обединува Албанците и Македонците, Ахмети рече секако дека има, но дека сега нема да го кажат.
