ДЗС ОБЈАВИ „МАГИЧНА ОСУМКА“: Вчера до 8 часот вечерта биле попишани 800.008 граѓани

Вкупно 800.008 лица, 249.500 домаќинства и 336.109 станови се попишани заклучно со 20 часот вчера, објави денеска Државниот завод за статистика.

Можноста за самопопишување на лица во странство, пак, досега ја искористиле – 193 168 лица.

Пописот на населението, домаќинствата и становите во Република Македонија, кој официјално започна на 5 септември ќе трае до 30 септември.

Според објавата од ДЗС вчера бројката „8 е магична“.

Вчера лидерот на ВМРО-ДПМНЕ, Христијан Мицкоски, објави дека има големи турбуленции во попишувањето, граѓани на социјалните мрежи објавуваат за проблеми во пописот, а директорот на ДЗС, Апостол Симовски пак вчера тврдеше дека пописот тече без никакви проблеми и со брзина од 100.000 попишани на ден.