Вака ли крајот мириса? Ова е првото нешто што ви паѓа на ум откако СДС и Венко Филипче во два дена удрија по цели 30-на свои довчерашни експоненти, пишува во својата анализа Курир.

Денеска, канонадата навреди, омаловажувања и клевети е насочена кон аналитичарот Петар Арсовски, кој со децении стои „на браникот на СДС“ и во многу наврати ги бранел нивните ставови, макар биле и погрешни (почесто). Народски кажано, експерт кој буквално „изгина за партијата“.

А еве како Филипче, Јон, Богданка и останата екипа му враќа :

„Петар Арсовски е само еден во низата луѓе без морал и без срам.

Затоа денес е јасно на сите: Нема друга опозиција освен онаа обединета околу Фронтот за вистина и правда.

Кога луѓе кои со години работеа за СДСМ, како Петар Арсовски, почнуваат да ја продаваат „верата за вечера“, тогаш станува јасно дека не станува збор за анализа, туку за позиционирање.

Тие не ја предаваат само партијата. Тие ја предаваат идејата“, соопштија денеска пулените на Филипче.

Причина е неговата анализа за Дојче Веле насловена како „СДСМ на раскрсница: поделба или нов почеток?

Во неа Арсовски за новата иницијатива која  опасно ја вознемири СДС пишува:

„Историјата покажува дека големите политички промени многу почесто започнуваат токму со пojавата на нови иницијативи, отколку со постепено зајакнување на старите партии. Една од причините е тоа што новите движења често внесуваат конкуренција таму каде долго време владеела политичка инерција, со тенденција да ги принудат постојните партии да ги освежат своите политики, кадровските решенија и начинот на комуникација со јавноста. Затоа, понекогаш не е најважно дали едно ново движење ќе освои многу гласови, туку дали ќе успее да обезбеди инфузија на енергија и да ја раздвижи политичката сцена околу себе“, вокабулар кој очигледно силно силно ги вознемири и ги отвори чакрите на Филипче, Заев и свитата.

Завчера, контра нив застанаа 28 извикани сегашни и екс социјадемократи, за кои пишува Арсовски.

Во платформата учествуваат: Игор Ивановски Шема, Андреј Петров, Гордан Георгиев, Емилијан Станковиќ, Никола Ќуркчиев, Александар Бајдевски, Славјанка Петровска, Сашко Митревски, Моника Зајкова, Ненад Марковиќ, Предраг Трпевски, Звонко Давидовиќ, Валентин Пепељугоски, Љубомир Гајдов, Ивор Мицковски, Милена Стевановиќ, Ема Нешковска, Стојко Пауновски, Костадин Ацевски, Драган Анастасов, Диме Велковски, Коста Начевски, Насе Насев, Бојан Столевски, Митко Андреевски, Милена Цветановска, Сретен Богоевски, Горан Стојковски – Диро. 

СДС и Венко Филипче ги нарекоа КВИСЛИНЗИ и се во тежок уплав од новата фракција која се претстави како платформа „Разговори за иднината во 12:05“, составена од 28 поранешни и актуелни СДС пратеници и функционери, аналитичари и дисиденти, претставена како демократска платформа за подигнување на нивото на општествената дебата.

„Единствената вистинска опозиција се СДСМ и слободните граѓани, обединети околу Фронтот за вистина и правда.

Сѐ друго е фејк“, викнаа од СДС уплашени до новата ПЛАТФОРМА, цитирајќи го „лидерот“.

Пред нив, Филипче „им списка“ на довчерашните сопартијци (Славјанка е актуелен пратеник и член) во изјава за ДВ: „Ние знаеме што е ова. И знаеме зошто се прави. Постои Фронтот за вистина и правда. Сè друго е фејк.“

И повторно, единственото прашање кое се поставува е:

ВАКА ЛИ КРАЈОТ МИРИСА?