Според календарот на МПЦ (Јулијанскиот календар) денеска е 3 ноември.
Денеска е Пренесувањето на моштите на св. великомаченик Георгиј од Никомидија во Лида Палестинска.
Денес Црквата го слави пренесувањето на моштите на свети Георгиј во Лида Палестинска, родното место на неговата мајка. Празнувањето на преносот на моштите е пракса која укажува дека Црквата верува не само во воскресението на душата, туку и на телото, т.е. во воскресението на целиот човек.
За време на император Констанин во Лида беше подигнат храм, посветен на Свети Георгиј, во кој беа сместени чудотворните мошти на овој светител.
КАТОЛИЧКИ КАЛЕНДАР: Денеска е Св. Маргарета Шкотска.
Живеела во единаесеттиот век. Била жена на шкотскиот крал Малком Трети. Родила шест синови и две ќерки кои ги воспитувала во побожност и чесност. Таа влијаела на кралот да биде милослив и добар кон своите поданици. Била побожна, иако била жена на кралот. Им помагала на сиромашните и ја нарекувале мајка на сиромашните и бедните луѓе. И се молат верниците во финансиски кризи.
