Еден од најдобрите кошаркари на сите времиња, Мајкл Џордан, купи нов луксузен суперавтомобил Hennessy Venom F5.

Според луѓе од споменатата фабрика, моделот кој вреди околу три милиони долари бил специјално направен за посебниот клиент.

Автомобилот има 1.817 коњски сили и достигнува брзина до 482 километри на час.

Американскиот инвеститор Џо Помплијано пишува дека Џордан ја примил испораката во неговиот автомобил во Флорида.

Возилото ќе се приклучи на колекцијата на луксузните модели што Џордан веќе ги поседува – Bugatti Veyron, Bentley Continental, неколку модели на Ferrari, купе Mercedes S600 од деведесеттите, но и Mercedes SLR McLaren.