Македонска и бугарска делегација со заеднички активности во Рим ќе го слават делото на сесловенските просветители и ќе чествуваат за браќата Св. Кирил и Методиј.
Со нововостановената традиција и според утврдената програма, утре во Рим, делегациите на Република Македонија и на Република Бугарија ќе положат цвеќе пред плочата на Република Македонија во чест на Св. Кирил во Базиликата Санта Марија Маџоре, а потоа ќе учествуваат на миса во црквата „Св. Павел ала Регола“.
Македонската делегација во вечерните часови ќе присуствува на прием во бугарската резиденција во Рим, а потоа сите гости ќе проследат културно уметничка програма организирана од македонското Министерство за култура, на која ќе настапат музичките уметници Весна Гиновска Илкова и Дино Имери.
Државната делегација на Република Македонија во Рим ја предводи претседателот на Собранието Талат Џафери.
