Претседателот Емануел Макрон објави дека Франција веднаш ќе започне со обука на украинските сили со борбени авиони Мираж, што Франција ќе и ги даде на Украина.
Тој ваквата информација ја соопшти на заедничка прес-конференција во Париз со украинскиот претседател Володимир Зеленски, по емотивните денови на комеморација што ја одбележаа 80-годишнината од „Денот Д“.
– Исто така, предложивме и заедно одлучивме Франција да обучи и опреми цела бригада на украинската армија како дел од напорите за регенерација на нејзините сили, појасни Макрон.
Франција работи во коалиција со неколку партнери кои ќе работат заедно на плановите во следните неколку дена да помогнат во одбраната на Украина од руската агресија, додаде францускиот претседател.
Претседателот на Украина, Володимир Зеленски во четвртокот им се придружи на светските лидери во Франција за да ја одбележат инвазијата на „Денот Д“.
Зеленски, исто така, беше во Франција за да побара поголема помош од Западот, иако неговите сили се бореа да го спречат рускиот напад во близина на источниот град Харков, во војна што стана најголемиот конфликт во Европа од Втората светска војна.
