Шпанија би можела да стане првата земја во Европа што ќе им дозволи боледување на жените со силни менструални болки.
Извори од владејачката коалиција соопштија дека очекуваат законот да биде одобрен по постигнатиот договор меѓу Министерството за еднаквост што и ги иницираше тавите реформи и Министерството за социјално осигурување.
Се очекува Владата во Мадрид утре да го одобри предлогот за измена на Законот со кој се предвидува менструално боледување од три до пет дена месечно.
– На жените со болна менструација ќе им го признаеме правото на посебна привремена попреченост што државата ќе им го плати уште од првиот ден, напиша на „Твитер“ министерката за еднаквост Ирен Монтеро.
Законот дозволува и абортус во државниот здравствен систем, како и укинување на задолжителната родителска дозвола за прекинување на бременоста за девојчињата на возраст од 16 и 17 години.
Доколку биде усвоен тоа ќе биде првиот закон што дозволува менструално отсуство во Европа.
