СОСТОЈБА СО ПОЖАРИ: Од регистрирани 34 пожари активни се три, седум се под контрола, а останатите се изгаснати, информира ЦУК

Во текот на изминатото деноноќие регистрирани се вкупно 34 пожари на отворен простор, од кои три се активни, а седум се под контрола.

Центарот за управување со кризи информира дека активни се пожарите меѓу селата Буринец – Локов – Селце – Елевци во општина Струга, кај селото Белица, месноста Кајорец кон селото Брезица во општина Македонски Брод и селото Брест кај месноста наречена Рамно во општина Чучер – Сандево.